অসমৰ ন-উদ্যমী সকললৈ আশাৰ বতৰা লৈ আহিছে ঋদ্ধিনীল ৰয়ে

“বানিজ্যে বসতি লক্ষ্মী”

এই আপ্ত বাক্যষাৰ সৰোগত কৰি ব্যৱসায়ক পেছা হিচাবে লবলৈ উত্তৰ পূৰ্বাঞ্চলৰ বহু যুৱক যুৱতী আগবাঢ়ি আহিছে । কিন্তু বহুসময়ত উপযুক্ত দিশ নিৰ্দেশনা,পুঁজিগঠন তথা উন্নত কাৰিকৰী আৰু কৌশলগত জ্ঞানৰ অভাবত তেওঁলোক থমকি ৰব লগা হয় ।এই সকল ন-উদ্যমীৰ বাবে এনেবোৰ সমস্যাৰ সমাধান হিচাবে ঋদ্ধিনীল ৰয় আৰু তেওঁৰ বন্ধু সকলে সৃষ্টি কৰিছে NE8IStartup ।
“উত্তৰ পূৰ্বাঞ্চলৰ যুৱক যুৱতী মাজত কোনোদিনেই উদ্যমীতাৰ অভাৱ নাই । প্ৰয়োজন মাথো সঠিক দিশ নিৰ্দেশনাৰ ।“ এই ভাষ্য NE8IStartupৰ প্ৰতিষ্ঠাপক ঋদ্ধিনীল ৰয়ৰ । NE8IStartupএ ইতিমধ্যে সফলতাৰে সমাপ্ত কৰিছে Startupৰ বিকাশ সম্পৰ্কীয় কেইবাটাও গুৰুত্বপূৰ্ণ কাৰ্যসূচী । একুৰি তিনি বছৰীয়া চফল যুৱক ঋদ্ধিনীল ৰয়ৰ সপোন উত্তৰ পূৰ্বাঞ্চল হওঁক ষ্টাৰ্ট আপ সমূহৰ অন্যতম অভিকেন্দ্ৰ ।

কোন এই ঋদ্ধিনীল ৰয় : 3

গুৱাহাটীৰ ওদালবাক্ৰাৰ নিবাসী ঋদ্ধিনীল ৰয়ৰ নামটো উত্তৰ-পূৰ্বাঞ্চলৰ লোক সকলৰ বাবে নতুন যদিও ৰাষ্ট্ৰীয় প্ৰেক্ষাপটত এক চিনাকি নাম । বয়সৰ লেখেৰে তেনেই তৰুণ যদিও ঋদ্ধিনীল ৰয় কানেক্টিভ প্লাছ আৰু বায়কগনিজেন্স নামৰ দুটা ষ্টাৰ্ট আপ সফলতাৰে সৃষ্টি কৰাৰ অভিজ্ঞতাৰে পুষ্ট ।
কানেক্টিভ প্লাছ এক কেম্পাছ ডেশ্বব’ৰ্ড প্লেটফৰ্ম অৰ্থাৎ ছাত্ৰ-ছাত্ৰীসকলৰ মাজত যোগাযোগ আৰু তথ্যৰ আদান প্ৰদানৰ এক অনলাইন মাধ্যম । ৱেবছাইটৰ লগতে এপৰ মাধ্যমেৰেও উপলব্ধ কানেক্টিভ প্লাছ বৰ্তমান গুৱাহাটী, আহমেদাবাদ, চেন্নাই, বাংগালুৰু, দিল্লী, হাইদৰাবাদ, মুম্বাই, কলকাতা আদি ঠাইৰ ৩০খনতকৈও অধিক শৈক্ষিক প্ৰতিস্থানৰ ছাত্ৰ-ছাত্ৰীয়ে প্ৰয়োগ কৰি আছে ।অসমৰ অসম আভিযান্ত্ৰিক মহাবিদ্যালয়, যোৰহাট আভিযান্ত্ৰিক মহাবিদ্যালয়, গিৰিজানন্দ চৌধুৰী ইন্সটিটিউট অৱ টেকন’লজী আদি প্ৰতিস্থানৰ ছাত্ৰ-ছাত্ৰীসকলৰ মাজতো জনপ্ৰিয় এই প্লেটফৰ্ম । ফিলাডেলফিয়াৰ হেইছ গ্ৰুপে ইতিমধ্যে ইয়াক পৰৱৰ্তী ১০০ টা সম্ভাৱনাপূৰ্ণ প্ৰতিষ্ঠানৰ তালিকাত স্থান দিছে ।প্ৰাৰম্ভিক পৰ্যায়ত পুঁজিৰ নাটনিৰপৰা আৰম্ভ কৰি অন্যান্য বিভিন্ন সমস্যাৰে ভাৰাক্ৰান্ত কানেক্টিভ প্লাছৰ সমূখত আস্তিত্বৰ সংকটে দেখা দিছিল । কিন্তু হাৰ নমনা মানসিকতাৰে ঋদ্ধিনীলে প্ৰায় দুবছৰৰ অন্ততঃ ইয়াক এক সুস্থিৰ পৰ্যায়লৈ লৈ যায় ।

2

বায়কগনিজেন্স – তেঁও আৰম্ভ কৰিছিল নিজৰ শৈক্ষিক ক্ষেত্ৰ বায়টেকৰ লগত সংগতি ৰাখি । এই ষ্টাৰ্টআপ পৰৱৰ্তী সময়ত জাৰ্মান প্ৰতিস্থান এটাই ক্ৰয় কৰে ।
অদম্য ইচ্ছাশক্তি আৰু দৃঢ় মানসিকতাৰ অধিকাৰী ঋদ্ধিনীল সৰু কালৰে পৰাই তৰ্কবিদ্যা, আকস্মিক বক্তৃতা, ড্ৰয়িং আদি বিষয়ত নিজৰ মেধা দেখুওৱলৈ সক্ষম হৈছিল । তৃতীয় শ্ৰেণীত থাকোঁতেই “গুৱাহাটীৰ বানপানী” শীৰ্ষক ছৱি আঁকি ৰাজ্যিক পৰ্যায়ৰ প্ৰতিযোগিতাত স্বৰ্ণপদক পাইছিল তেওঁ । পিতৃ হৃদয়ৰঞ্জন ৰয় আৰু মাতৃ মৌচুমী ৰয়ে তেওঁক সৰুৰে পৰাই যোগাত্মক চিন্তা-চৰ্চা কৰাত অৱদান যোগাইছিল ।এই যোগাত্মক চিন্তা-চৰ্চাই তেওঁক অনুপ্ৰেৰণা যোগালে NE8IStartup আৰম্ভ কৰিবলৈ ।ঋদ্ধিনীলৰ ভাষাৰে “ বিভিন্ন সমস্যাৰে ভাৰাক্ৰান্ত উত্তৰ পূৰ্বাঞ্চলৰ পৰা প্ৰতিভাৱান গৈ প্ৰতিষ্ঠিত হোৱাৰ পাছত ইয়ালৈ পুনৰ ঘূৰি আহিব নিবিচাৰে ।ফলত অঞ্চলতোৰ বাকী সকল তেওঁলোকৰ সেৱাৰ পৰা বঞ্চিত হৈ থাকে । ষ্টাৰ্ট আপ সংস্কৃতিতো একে কথাই প্ৰযোজ্য । সেয়েহে আমি এই অনুষ্ঠানটো আৰম্ভ কৰিছো,যাতে সৰ্বভাৰতীয় পৰ্যায়ত ফেৰ মাৰিব পৰাকৈ ইয়াতো এক ষ্টাৰ্ট আপ সংস্কৃতি গঢ় লৈ উঠে’’।

1

গুৱাহাটীৰ খানাপাৰা কেন্দ্ৰীয় বিদ্যালয়ত উচ্চতৰ মাধ্যমিক শিক্ষা সমাপ্ত কৰা তথা বাংগালুৰুৰ দয়ানন্দ সাগৰ কলেজ অৱ ইঞ্জিনিয়াৰিঙৰ পৰা বায়টেকনলজীত বি ই ঋদ্ধিনীল ৰয়ৰ এই যোগাত্মক প্ৰচেষ্টাৰ প্ৰতি আমাৰ সৰ্বদা সমৰ্থন থাকিব ।  NE8I Startup ৰ বিষয়ে সবিশেষ আমি আপোনালোকক জনাম পৰৱৰ্তী লেখাত ।

লেখক: ধ্ৰুৱ জ্যোতি অৰ্জুনা

Leave a Reply

Your email address will not be published. Required fields are marked *