Home ব্যৱসায় কঠোৰ অধ্যৱসায় আৰু পৰিশ্ৰমেৰে বিশাল ব্যৱসায়িক সাম্ৰাজ্য গঢ়িছে হিৰেন চেতিয়াই

কঠোৰ অধ্যৱসায় আৰু পৰিশ্ৰমেৰে বিশাল ব্যৱসায়িক সাম্ৰাজ্য গঢ়িছে হিৰেন চেতিয়াই

563
22

কথাতে শুনা যায় অধ্যৱসায়, কঠোৰ পৰিশ্ৰম আদিৰ জৰিয়তে শিখৰত আৰোহন কৰাটো সহজসাধ্য। পিছে কথাষাৰ মিছা নহয়। আজি আপোনাক এনে এগৰাকী ব্যক্তি বিষয়ে জনাব বিচাৰিছো, যি গৰাকী ব্যক্তিয়ে অধ্যৱসায় পৰিশ্ৰমৰ বলত সুবিশাল ব্যৱসায়িক সাম্ৰাজ্য গঢ়ি তুলিছে। তেখেত মৰাণৰ ৰাঙলীৰ পোৱালি উপনামেৰে পৰিচিত হিৰেন চেতিয়া ।

Hiren Chetia 1

 

উল্লেখযোগ্য যে হিৰেন চেতিয়াই নিজেই সংস্থাপিত হোৱাৰ লগতে আন বহু কেইজন নিবনুৱাক জীৱন জীৱিকাৰ সন্ধান দিছে। কিন্তু কেনেকৈ সম্ভব হ’ল জানিবলৈ বিচৰাত চেতিয়াই আমাক এনেদৰে কয়- গীতাত ভগৱান শ্ৰী কৃষ্ঞই কৈছে কৰ্মই ধৰ্ম। গতিকে কৰ্ম কৰি যোৱাত লাজ কিহৰ। বহুসময়ত লাজৰ বাবে আমি কৰ্মক্ষেত্ৰত আগবাঢ়িব নোৱাৰো । কোনো ক্ষেত্ৰতে মই কৰ্মলৈ লাজ কৰা নাছিলো । মাত্ৰ পাচশ টকাৰ মুলধন হাতত ব্যৱসায় আৰম্ভ কৰিছিলো। উল্লেখযোগ্য যে হিৰেন চেতিয়াৰ HVF ৰ এখন কাৰখানা আছে, য’ত কৃষি কৰ্মৰ বাবে প্ৰয়োজনীয় যন্ত্ৰপাতি নিজাকৈ নিৰ্মাণ কৰা হয়।

 

Hiren Chetia 2

অসমৰ কৃষক সকলৰ সমস্যা অনুভৱ কৰিয়েই এই কাৰখানাটো আৰম্ভ কৰিলো। কৃষক সকলৰ প্ৰয়োজন অনুসৰি কৃষিকৰ্ম সা সঁজুলি স্থানীয় ভাবে নিৰ্মাণ তথা পৰিবৰ্ধন কৰি সস্তাত যোগান ধৰিবৰ চেষ্টা কৰো । এইদৰে হিৰেন চেতিয়াই NE FOCUS ৰ আগত ব্যক্ত কৰে।

Hiren Chetia 3

হিৰেন চেতিয়া কেৱল ব্যৱসায়ীয়ে নহয়, তেখেত এগৰাকী সামাজিক কৰ্মীও। তেওঁ কেইজনমান বন্ধুৰ সহযোগত চলাই আহিছে “জ্ঞানম” নামৰ এক শৈক্ষিক কোষ । ইয়াৰ দ্বাৰা তেওলোকে অৰ্থনৈতিক ভাবে দুৰ্বল মেধাৱী ছাত্ৰ-ছাত্ৰীক শিক্ষাৰ খৰচ বহন কৰে। হিৰেন চেতিয়া এনে মহৎ কামৰ বাবে সকলোৱে শলাগ আগবঢ়াইছে। সেইয়েহে ভাল খবৰ হিচাপে হিৰেন চেতিয়াৰ কৰ্মৰ কাহিনী ভাগ পাঠক সমাজলৈ আগবঢ়ালো। এনেকুৱা ধৰণৰ কাহিনীৰ বাবে আপোনালোকে আমাৰ ৱেবচাইটৰ পেজ চাই থাকিব।

 

লেখক- ধ্ৰুৱ জ্যোতি অজুৰ্না

 

 

 

22 COMMENTS

  1. লেখাটো ভাল লাগিল।এই আদৰ্শ আনেও লওক তাকেই কামণা কৰিলো।

  2. তেখেতৰ বিষয়ে জানি ভাল লাগিল । সকলো অসমীয়া যুৱকৰ এনে মানসিকতা হোৱা হ’লে আমাৰ দেশত আন্দোলন বুলি একো শব্দ নাথাকিল হ’লে । তেখেতৰ ভৱিষ্যৎ সু উচ্চ শৃঙ্গত আৰোহন কৰাৰ কামনা কৰিলো ।

  3. ভাল লাগে এনে বাতৰি পালে। আগবাঢ়ি যাওক তেখেত নিষ্ঠাৰে।

  4. হিৰেন চেতিয়াৰ বিষয়ে জানি সঁচাকৈয়ে ভাল লাগিল । আন্দোলন কৰি পৰিস্থিতি অস্থিৰ কৰি থকাতকৈ সাম্প্ৰতিক যুৱ প্ৰজন্মই এনেবোৰ মহান আদৰ্শ অনুসৰণ কৰা উচিত ।

  5. সচাকৈয়ে আমি গৌৰৱাম্বিত । নৱপ্ৰজন্মৰ বাবে সদায়েই আদৰ্শ হৈ ৰওক, তাৰেই কামনাৰে …….

  6. হিৰেনদাৰ কথা পঢ়িবলৈ পাই ভাল লাগিল ।সকলো আমাৰ মাজৰ উথি অহা সকলে তেওঁৰ আদৰ্শ লওঁক ।তেওঁৰ মূলধন 500 আছিল । হিৰেনদা ধন্যবাদ ।

  7. বহুত ভাল লাগিল অসমীয়া যুৱক যুৱতী সকলে বিশেষকৈ যুৱক সকলে মানে আমিবোৰে তেওঁৰ ৰ্কমৰ স্পৃহা অনুকৰণ কৰা উচিত ৷

LEAVE A REPLY

Please enter your comment!
Please enter your name here