কেইবিধ মান ৰান্ধন প্ৰণালী

আমাৰ এনে কিছুমান খাদ্য আছে। যিবোৰৰ নাম শুনিলেই খাব মন নকৰা মানুহ হয়তো খুব কমেহে ওলাব। এনে কিছুমান খাদ্য সম্ভাৰৰ ৰেচিপি আজি NE Focus ত প্ৰকাশ কৰা হ’ল। আগবঢ়ালে সুজাতা পাঠক বৰাই।

কোমোৰা বিলাহীৰে মাছৰ টেঙা

received_1284776791590100

গৰম বা ঠাণ্ডা দিন হওক  দুপৰীয়াৰ সাজত অলপ টেঙা খোৱাতো ভাল । অসমীয়া মানুহৰ আটাইতকৈ ভাল লগা খাদ্য টেঙা ।

কোমোৰা খিনি টুকুৰাকৈ কাটি বিলাহী তিনিটাৰে সৈতে মিক্সীত পিছি ল’ব ।  কেৰাহীত তেল গৰম কৰি দুফোটামান নহৰু আৰু এচামোচ সৰিয়হ ফুটাই লৈ কোমোৰা বিলাহীৰ পেষ্টখিনি আৰু হালধী নিমখ জলকীয়া দি অলপ দেৰি উতলিব দিব। তাৰপিছত দুই তিনিকাপ পানী দি উতলিব দিব । উতল আহিলে ভজা মাছ দি ভালকৈ উতলাই ওপৰত ধনীয়া পাত চতিয়াই নমাই থব ।

ৰৈ যোৱা ভাতেৰে বনোৱা খীৰ ( leftover rice kheer )

সামগ্ৰী :

ৰৈ যোৱা বা নতুনকৈ সিজাই লোৱা ভাত এবাটি

পাউদাৰ গাখীৰ 250 gm

মিল্কমেদ আধা টিন

আমুল টাজা একাপ

ঘি দুচামোচ

চেনি একাপ ( বা সোৱাদ অনুসৰি )

ইলাচি আৰু অন্য দ্ৰাই ফ্ৰুট

received_1284774998256946

প্ৰণালী : প্ৰথমে ভাতখিনি মিক্সীত দি পেষ্ট বনাই লব । এটা চ’চপেনত ঘিখিনি গৰম কৰি তাতে ভাতখিনি দি অলপ দেৰি লৰাই গুলি লোৱা পাউদাৰ গাখীৰখিনি দিব আৰু লগতে চেনি কাপ আৰু ইলাচি দি ঘোটনিৰে ভালকৈ ঘুটি দিব । জুইখিনি কমাই থব আৰু লাহে লাহে উতলিব দিব । অলপ উতলিলে মিল্কমেদ খিনি আৰু দ্ৰাই ফ্ৰুট দি উতলিব দিব ।  থুপথুপীয়া হ’লে গাখীৰ কাপ দিব অন্যথা নিদিলেও হ’ব । বেছি উতলোৱাৰ দৰকাৰ নেথাকে যিহেতু সকলো খিনি ইতিমধ্যে সিজাই আছে । নমাই সুন্দৰকৈ পৰিৱেশন কৰিলেই হ’ল ।

কৰদৈৰ অম্বল

received_1284775854923527

প্ৰথমে তেলত কালজীৰা কেইটামান ফুটাই কৰদৈখিনি হালধী নিমখ জলকীয়াগুৰি দি ভাজিব । চাৰিমিনিটমান ভজাৰ পিছত মিঠাহোৱাকৈ চেনি দি অলপ পানী দিব আৰু উতলিব দিব , যদি কৰদৈ মিঠা হয় তেতিয়া আধাকাপ ভিনেগাৰ দিব। অলপ টেঙা সোৱাদৰ বাবে কিন্তু টেঙা কৰদৈ হ’লে নিদিলেও হ’ব । উতলি থাকোতে খেজুৰ কাজু কিছমিছ আদি দিব । চেনিখিনি কৰদৈৰ লগত মিহলি হৈ ৰং সলনি হলে নমাই থ’ব । ৰুটি বা ভাতৰ লগত পৰিৱেশন কৰিব ।

একেই ধৰণে আম, নাচপতি,  আপেল আদি বিভিন্ন ফলৰ বনাব পাৰে ।

received_1264635963604183
সুজাতা পাঠক বৰা

2 thoughts on “কেইবিধ মান ৰান্ধন প্ৰণালী

  • November 22, 2016 at 7:42 PM
    Permalink

    Nice aru natunun kisuman diboson

    Reply
  • December 4, 2016 at 9:36 PM
    Permalink

    nishoy ke..sahajogita aagbohuar babe dhonyabad..

    Reply

Leave a Reply

Your email address will not be published. Required fields are marked *