Home সুখবৰ গ্ৰন্থমেলাৰ কিছুমান ইতিবাচক খবৰে

গ্ৰন্থমেলাৰ কিছুমান ইতিবাচক খবৰে

32
0

ৰাজ্যৰ বিভিন্ন প্ৰান্তৰ লগতে গুৱাহাটীতো অনুষ্ঠিত হৈ আছে উত্তৰ পূব গ্ৰন্থমেলা। শীতৰ সেমেকা পৰিবেশতো গ্ৰন্থমেলাত বহু লোকৰ সমাগত পৰিলক্ষিত হয়। যি সময়ত ইণ্টাৰনেটৰ আগ্ৰাসনে কিতাপৰ প্ৰতি আগ্ৰহ কমি অহা বুলি সৰব চৰ্চা লাভ কৰিছে, সেই সময়তে একাংশ অভিভাৱকৰ লগতে নৱপ্ৰজন্মই গ্ৰন্থমেলাত ভিৰ কৰাৰ দৃশ্যই ইতিবাচক বতৰা কঢ়িয়াইছে।বিশেষকৈ দেখাত তেনেই সাধাৰণ যেন লগা অথচ অতি গুৰুত্বপূৰ্ণ কিছুসংখ্যক পুথিৰ সমাহাৰে ভাষা সাহিত্য ক্ষেত্ৰখনক নিসন্দেহে সমৃদ্ধিশালী কৰি তুলিছে ।এইবাৰৰ গ্ৰন্থমেলাত নৱপ্ৰজন্মৰ লেখকৰ পুথিয়ে জনপ্ৰিয়তা লাভ কৰিছে ।তেওঁলোক দুজন লেখক হ’ল দেবাংগ পল্লৱ শইকীয়া আৰু আন এজন পংকজ কুমাৰ দত্ত।সচাঁ কাহিনীৰ আলমত সৃষ্ট দেবাংগ পল্লৱ শইকীয়াৰ গল্প পুথি “নৈ দৰে”বিভিন্ন কাহিনীৰ সমাহাৰ ঘটিছে ।সমালোচকৰ ভাষাত মৌলিকতা সমাহাৰ আৰু সুন্দৰ উপস্থাপন শৈলীয়ে গ্ৰন্থখন জনপ্ৰিয় কৰি তুলিছে।আন এগৰাকী লেখক অথবা সাংবাদিক হ’ল পংকজ কুমাৰ দত্ত।দত্তৰ ঘড়ী স্তম্ভ নামৰ গ্ৰন্থখনত ১০টা গল্প সন্নিবিষ্ট কৰিছে।বিদেশৰ পটভূমিত ৰচিত প্ৰায়বোৰ গল্পতে সুন্দৰ প্ৰকাশভংগীয়ে ঘড়ী স্তম্ভত পৰ্য্যায়ত উন্নীত কৰিছে ।উল্লেখযোগ্য যে পংকজ কুমাৰ দত্তৰ বহুতো গল্প ইতিমধ্যে উৰিয়া, বাংলা ভাষালৈ অনুবাদ হৈছে ।

LEAVE A REPLY

Please enter your comment!
Please enter your name here