শাসনাধিষ্ঠ দলৰ হৈ ৰঞ্জিত দাসে সংবাদ মেলত কি ক’লে

লোকসভা নিৰ্বাচনৰ শাসনাধিষ্ঠ দলে অগ্ৰগতি লাভ কৰাৰ সময়তে ৰাজ্যিক বিজেপিৰ গুৱাহাটী হেঙেৰাবাৰীস্থিত কাৰ্যালয়ত এক সংবাদ মেলৰ আয়োজন কৰা হয়। সংবাদ মেলত ৰঞ্জিত দাসে কয় যে দলীয় কৰ্ম কৰ্তা তথা সংবাদ মাধ্যমৰ সহায় অবিহনে এনেদৰে অগ্ৰগতি লাভ কৰিব নোৱাৰিলোহেতেন! এই ক্ষেত্ৰত বিশেষকৈ চ’চিয়েল মেডিয়াই বিশেষভাৱে সহায় কৰিছিল। চ’চিয়েল মেডিয়াত প্ৰকাশ পোৱা ৰাহুল গান্ধী আৰু নৰেন্দ্ৰ মোদীৰ তুলনামূলক বিশ্লেষণৰ ফটোগ্ৰাফে জনমত গঠন কৰাত সহায় কৰিলে। অসমত ১০ টা সমষ্টিত জয়লাভৰ দিশে অগ্ৰসৰ হৈ আছো । মই ভাবো আমি অধিক দক্ষতা আৰু দায়িত্ববোধেৰে জনসাধাৰণৰ সেৱা কৰাৰ মানসিকতা সুদৃঢ়ভাৱে আগন্তুক দিনত কাম কৰি যাব লাগিব ।আজিৰ সংবাদ মেলত দলীয় বহু কৰ্মকৰ্তা উপস্থিত থাকে।

Leave a Reply

Your email address will not be published. Required fields are marked *