সাংস্কৃতিক আন্দোলনৰ পণ ল’লে বিশ্ববিদ্যালয়ৰ ছাত্ৰ সমাজে

গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ সন্থাৰ কাৰ্য্যালয়ত কালি ছাত্ৰ সন্থাৰ উদ্যোগত শিল্পী দিৱস উদযাপন হয়।জাতি ধ্বংসী নাগৰিকত্ব সংশোধনী বিধেয়কৰ বিৰোধিতা কৰি সকলোৱে ক’লা বেজ পৰিধান কৰি প্ৰতিবাদ সাব্যস্ত কৰে।সন্থাৰ উপসভাপতি জিতুমণি কলিতাই জাতিটোৰ সংকটৰ কালত ৰূপ কোঁৱৰৰ আদৰ্শৰে অনুপ্ৰাণিত হ’বলৈ আহ্বান জনায়।সন্থাৰ সহকাৰী সম্পাদিকা হেলেনা স্বৰ্গীয়াৰীয়ে যুক্তিনিষ্ঠ, আবেগ বৰ্জিত আন্দোলন আগবঢ়াই নিবলৈ সকলোকে শপত বাক্যপাঠ কৰায়।সভাত সন্থাৰ সাহিত্য আৰু সুকুমাৰ কলাৰ সম্পাদক বিদ্যুৎ বিকাশ বৰুৱা, সাংস্কৃতিক সম্পাদক হীৰক জ্যোতি শৰ্মা,কৰ্মচাৰী সকল, বিভিন্ন কলেজৰ পৰা অহা ছাত্ৰ প্ৰতিনিধি, বিশ্ববিদ্যালয়ৰ বহুসংখ্যক ছাত্ৰ ছাত্ৰী উপস্থিত থাকে।

Leave a Reply

Your email address will not be published. Required fields are marked *